या डोळयांची दोन पाखरे, फिरतील तुमच्या भवती

 चित्रपट : पाठलाग (१९६४)

गीत : ग. दी. माडगुळकर
संगीत : दत्ता डावजेकर
गायिका : आशा भोसले

या डोळयांची दोन पाखरे, फिरतील तुमच्या भवती
पाठलाग ही सदैव करतील, असा कुठे ही जगती || ध्रु ||

दर्शन तुमचे हाच असे हो या पक्ष्यांचा चारा
सहवासाविण नकोच यांना अन्य कोठचा वारा
तुमचा परिसर यास नभांगण, घरकुल तुमची छाती || १ ||

सावलीत ही बसतील वेडी, प्रीतीच्या दडूनी
एका अश्रूमाजी तुमच्या जातील पण बुडुनी 
नव्हेत डोळे, नव्हेत पक्षी, ही तर अक्षय नाती || २ ||