🏹 हर्क्यूलिस🏹
तुलसीपत्र ११०८
संपूर्ण नि:स्वार्थी वृत्ती,अत्यंत देखणा असूनही
निग्रहाने पाळलेले ब्रह्मचर्य, 'पावित्र्य हेच प्रमाण'
हा एकमेव निकष, मातृधर्म व मातृभूमीवरील आत्यंतिक निष्ठा व त्याचा सतत चाललेला महादुर्गेचा मनोमन जप ह्यामुळे त्याला शरीरात
असतानाच त्रिविक्रमाने दिव्यत्व बहाल केले आहे.
आज तो मानव असूनही पूर्णपणे दिव्य कोटीतील आहे.
🌷ॲफ्रोडाईट🌷
तुलसीपत्र ११०८
ॲफ्रोडाईट ही त्रिविक्रमाने मानवांच्या
सहाय्यासाठी उत्पन्न केलेली 'अरुला' नामक शक्ती आहे.व चण्डिकाकुलाच्या न्यायाने ती त्रिविक्रमाची
सख्खी जन्मजात भगिनीच आहे.मानवी मनातील श्रद्धा हे तिचे मूलतत्त्व आहे व मानवाच्या सद्गुणांना विकसित करत राहणे व त्यासाठी
मानवांना त्यांच्या त्यांच्या पवित्र कार्यक्षेत्रांमध्ये
सदैव प्रेरित व आकर्षित करीत राहणे,हेच तिचे
सहजकार्य आहे.परंतु तिच्याकडील ह्या आकर्षण शक्तीमुळेच सर्व दुर्जनांना तिची हाव असते.व हा मोठा अडथळा तिच्या कार्यात सतत येत राहतो.
जेथे भक्ती पूर्ण श्रद्धा व प्रेम ।
तेथे तेथे कर्ता मी त्रिविक्रम।
तुलसीपत्र ११०८
बिजाॅयमलानाला डेमेटरने सांगितले
ते असे,
⬇️
श्रद्धेला सदासर्वकाळ सहाय करतो,तो 'श्रद्धावानांच्या मनातील अनन्यभाव'.
आणि असा अनन्यभाव प्रिय हर्क्यूलिसच्या
मनामध्ये दैवी स्तरावर त्रिविक्रमाच्या चरणी
आहे.व मानवी स्तरावर त्यांचे तसेच अनन्यप्रेम
ॲफ्रोडाईटवर आहे.परंतु ॲफ्रोडाईटचे दिव्यत्व
लक्षात घेऊन त्याने कधीदेखील आपली मर्यादा
सोडली नाही.अंतराळात युद्ध करताना त्रिविक्रमावर
अनन्यश्रद्धा ठेवून ॲफ्रोडाईटच्या कार्यासाठी जे भीषण साहस केले,त्याक्षणी हर्क्यूलिसची श्रद्धा व हर्क्यूलिसचे प्रेम आपोआप एकरूप झाले व
सदैव सर्व जाणणाऱ्या महादुर्गेने
हर्क्यूलिसच्या अस्तित्वाला दिव्यत्व बहाल केले.
म्हणून तो पूर्णपणे 'मानव' कोटीतीलही आहे
आणि 'दिव्य' कोटीतीलही.
डेमेटर बिजाॅयमलानाला सांगते,
हर्क्यूलिस हा देवत्व कधीच स्वीकारणार नाही.
कारण त्याला सदैव त्रिविक्रमाचा अत्यंत प्रिय
भक्त व मित्र म्हणून रहायचे आहे.तो एकमेव आहे व
एकमेव असेल.कारण तो दिव्य मानवही नव्हे तर
मानवी देहातील 'दिव्य भाव' आहे व असेल.
COMPILATION: Mohiniveera Kurhekar
