Showing posts with label Poem. Show all posts
Showing posts with label Poem. Show all posts
Tuesday, April 21, 2026
Wednesday, October 9, 2024
श्री महिषासूरमर्दिनीचे आख्यान: काव्य
श्री महिषासूरमर्दिनीचे आख्यान : काव्य
Image source : Wikipedia
ऐका ऐका जन हो सारेकथा तुम्ही आदिमातेचीभक्तांना प्रिय असे सर्वदाकहाणी श्री महालक्ष्मीची॥१॥
ऐका ऐका जन हो सारे
अशुभाचा जी नाश करी तीअशुभनाशिनी तिज म्हणतीमहिषासूरवध केला म्हणुनीमहिषासूरमर्दिनी म्हणती॥२॥
आरंभ कथेचा करूया आपणऋषी कश्यपां पासूनीप्रतिरूप ब्रम्हर्षी मरिचीचे हेचि घेऊया जाणोनी॥३॥
भार्या दोन तयाच्या नामेअदितीमति अन् दिती असतीश्रध्दावान अदितीमति तरदिती असे सौंदर्यवती॥४॥
दिव्य तपोबल आदितीमतिचेईश्वरभक्ती तिच्या मनीगुरूकुल आणिक पतिसेवेतूनजन्म घेतला देवांनी॥५॥
सात्विक तेज, पाहुनी सवतीचेदिती पेटली द्वेषानीक्रोध तिचा अन् मत्सर मिळूनीजन्म घेतला दैत्यांनी॥६॥
दितीपुत्र हिरण्यकष्यपुत्यास विकल्पाने वरिलाकामुकता अन् भोग मिळोनीअनुह्राद दैत्य जन्मा आला॥७॥
दैत्येश्वर अन् विश्वनियंत्रकवाटे व्हावे दैत्यालायाच राक्षसी इच्छेपोटीमहिषी आली जन्माला॥८॥
उन्मत्त होऊनी उन्मादानेमहिषीशी तो रत झालाअनुचित अन् अपवित्र रतीतूनमहिषासूर जन्मा आला॥९॥
जनक असे अशुभाचा आणिकढोंग आणखी कपटाचादुर्गुण पाहुनी हर्ष वाढलादिती विकल्पा दोघींचा॥१०॥
मरिचींच्या यज्ञस्थळी जाऊनीकपटाने वर मागितलास्वकेश अर्पूनी यज्ञामध्येअजिंक्य महिषासूर केला॥११॥
पराभूत इंद्रासह केले त्या दैत्पाने देवांनाजिंकुनिया अवघ्या पृथ्वीलागुलाम केले राजांना॥१२॥
देव धावूनी भर्गलोकी मगपरमात्म्यासी शरण आलेतारकमंत्राचा जप करण्यादेवांसी हरिहर वदले॥१३॥
वृध्दिंगत होता जप सारेअष्टभाव जागृत झालेअंकुर-ऐश्वर्य प्रवाहित होऊनीभर्गरुपाने अवतरले॥१४॥
आदिमातेचे तेज मिसळूनीमहातेज अतिदिव्य असेत्या तेजातून प्रकट होई जीअभूतपूर्व आकृती दिसे॥१५॥
तिच असे जी ब्रम्हविलासिनीमहात्रिपुरांबा तिज म्हणतीअखिल विश्व तिज म्हणे ईश्वरीहरिहर तिज आई म्हणती॥१६॥
त्या महालक्ष्मी रूपासी पाहुनीसृष्टी आनंदुनी गेलीदेवांनी तिज प्रतिक रूपांनीदिव्य आयुधे अर्पिली॥१७॥॥
अष्टादश आयुधे पाहुनीहरिहर आनंदित झालादेवीसिंहस्वरुप होऊनीॐ नमश्चन्डिकायै गर्जला॥१८॥
सिंहारुढ महालक्ष्मी मातापृथ्वीतलावरी अवतरलीआश्रमात ती कर्दम ऋषींच्यापवित्र स्थानी स्थिरावली॥१९॥
अतिपावन कतराज आश्रमीपाऊल प्रथम तिचे पडलेम्हणोनीच मग कात्यायनी हेनाम तिचे पारचलित झाले॥२०॥
आरंभ करोनी घंटानादामोहित केले असूरांनाकरोनिया क्षीण बळ अशुभाचेभयभीत केले दैत्यांना॥२१॥
महिषासूर भानावर आलाआज्ञा केली सैन्यासीसेनापती आले ते करण्यापराभूत आदिमातेसी॥२२॥
दुर्वृत्तींचे आगर असतीकपट तयांच्या ठायी वसेप्रमुख असे असिलोमा त्यांचाफितुरी ज्याचा प्राण असे॥२३॥
अष्टादश आयुधे रोखुनीप्रहार मातेने केलेसेनापतींसी वधुनी त्यांनायमसदनासी पाठविले॥२४॥
असिलोमा निःशस्त्र बनोनीमातेवर धावूनी आलाप्राशुनी त्याच्या रक्ता तत्क्षणीदेवीसिंह मोदे गर्जला॥२५॥
महिषासूर युध्दात उतरलानाश कराया मातेचाविविध रूपे मायावी घेईकरी वापर तो कपटाचा॥२६॥
महिष बनोनी महिषासूर तोमातेवरी धावुनी गेलामातेने बनवुनी ʼअग्नीकंकणा ʼबंदी त्यामाजी केला॥२७॥
वेगाने उड्डाण करोनीकंठकुपावरी पाय दिलात्रिशुल रोखुनी ह्रदयावरतीदेह छिन्नविछिन्न केला॥२८॥
रक्षी शुभ अन् संपवी अशुभाअद्भभुत कंकण गौरविलेʼमणीभद्र ' असे त्या नाम देऊनीधारण मातेने केले॥२९॥
सुरवर आणिक ऋषीमहर्षीगर्जु लागले हर्षानेजयजयकार करूनी मातेचाउधळू लागले स्तुतीसुमने ॥३०॥
प्रसन्न होऊनी आदिशक्तीनेत्यांसी दोन वरां दिधलेशरण येऊनी हाक मारितासत्वर येईन वचन दिले ॥३१॥
जो कुणी गाईल तिचे स्तोत्र अन्प्रेमाने आख्यान तिचेनाश करील ती दुःखांचा अन्वृध्दिंगत वैभव त्याचे ॥३२॥
हे आई वात्सल्यचण्डिकेहेचि मागणे मी मागेजन्मोजन्मी मी गर्जावेजय जगदंब जय दुर्गे !!जय जगदंब जय दुर्गे!!॥३३॥
- डाॅ. प्रिया कर्णिक.
॥हरि ॐ॥ ॥श्रीराम॥ ॥अंबज्ञ॥ ॥नाथसंविध॥
श्री अशुभनाशिनी नवरात्राच्या निमित्ताने, मी आपणा सर्वांना, श्री महिषासूरमर्दिनीचे आख्यान, काव्यरुपात कथन करण्याचा प्रयत्न करते आहे. अर्थात या कवनातील प्रत्येक शब्द माझे सद्गुरू प. पू. श्री अनिरूध्द लिखित "मातृवात्सल्यविन्दानम्" या परमपवित्र
ग्रंथाचा आधार घेऊनच लिहिलेला आहे. म्हणूनच हे काव्य मी श्री आदिमाता महिषासूरमर्दिनी आणि प. पू. अनिरूध्दांच्या चरणी अंबज्ञतेने अर्पण करते.
- डाॅ. प्रिया कर्णिक.
॥हरि ॐ॥ ॥श्रीराम॥ ॥अंबज्ञ॥ ॥नाथसंविध॥
Friday, October 18, 2019
Subscribe to:
Posts (Atom)